Pwyllgorau Craffu

Mae’r Pwyllgor Adnoddau a Busnes Corfforaethol yn bwyllgor trosfwaol gyda’r nod o ddal i gyfrif y bobl sy’n cymryd penderfyniadau yn yr awdurdod, wrth gyflwyno cyngor effeithiol, sy’n perfformio’n dda, sy’n arloesol ac yn rhoi gwerth am arian.

Mae’r Pwyllgor Trosolwg a Chraffu Cymunedau Iachach yn gweithredu fel corff diogelu a seinfwrdd ar gyfer ein gwasanaethau gofal sydd â’r nod o weld cymunedau iachach, lle mae pobl sy’n agored i niwed yn cael eu cynorthwyo i fyw bywydau annibynnol, cymdeithasol-gynhwysol, lle rydym yn gofalu am ein gilydd ac yn cefnogi cymunedau cryf yn y fwrdeistref i gynorthwyo’r sawl sydd mewn mwyaf o angen, o’n trigolion ieuengaf i’r hynaf.

Mae’r Pwyllgor Trosolwg a Chraffu Cymunedau Ffyniannus yn arolygu ystod o feysydd gwasanaeth y cyngor ac asiantaethau partner i sicrhau ein bod yn datblygu dulliau creadigol ac arloesol i gyflawni ein dyheadau ar gyfer ffyniant, twf economaidd a chydlyniant cymunedol yn Nhorfaen.

Mae’r Pwyllgor Trosolwg a Chraffu Addysg yn ceisio herio a dal i gyfrif gwasanaethau addysg yn Nhorfaen, i sicrhau bod pob un o’n pobl ifanc yn cael y cyfle gorau posibl mewn bywyd drwy gael safon dda o addysg.

Mae’r Pwyllgor Trosolwg a Chraffu Cymunedau Glanach yn gyfrifol am sicrhau ein bod fel cyngor yn gweithio’n effeithiol i gael cymunedau glanach a gwyrddach ac amgylchedd lleol cynaliadwy y mae trigolion yn falch ohono!