CRAFFU: Eich awgrymiadau
23/7/25: Ychwanegwyd awgrymiadau trigolion at waith Trosolwg a Chraffu
Yn ddiweddar, gofynnwyd i chi am eich awgrymiadau am bynciau yr hoffech iddynt gael eu hystyried gan ein Pwyllgorau Trosolwg a Chraffu yn y flwyddyn i ddod.
Diolch i bawb a ymwelodd â'r Hwb Democratiaeth ar wefan Cymryd Rhan Torfaen i ychwanegu eu hawgrymiadau at y broses weledigaeth hon. Mae llawer o'ch awgrymiadau wedi'u dewis fel eitemau yn y rhaglenni gwaith ar gyfer y pwyllgorau canlynol: Yr Economi a'r Amgylchedd; Plant a Theuluoedd; Addysg; Oedolion a Chymunedau.
Bob blwyddyn, fel arfer ar ddechrau'r flwyddyn ddinesig (Mai/Mehefin), rhaid i bob pwyllgor trosolwg a chraffu osod a chyhoeddi ei raglen waith, gan nodi rhestr o eitemau dethol y maent yn dymuno craffu arnynt yn ystod y flwyddyn i ddod.
Gelwir y sesiwn hon yn "Sesiwn Creu Gweledigaeth”.
Mae ystod eang o wybodaeth megis data perfformiad, dadansoddiad risg, argymhellion arolygiadau allanol a'r Blaengynllun Gweithredol yn cael ei ystyried gan aelodau wrth flaenoriaethu eu rhaglen waith ar gyfer y flwyddyn i ddod.
Mae'r rhaglen waith ar gyfer pob pwyllgor ar gyfer y flwyddyn graffu bresennol i'w gweld ar dudalen y cyngor https://www.torfaen.gov.uk/cy/AboutTheCouncil/CouncillorsAndDemocracy/Overview-and-Scrutiny/Overview-and-Scrutiny.aspx
Un o'r darnau pwysicaf o wybodaeth a ystyrir, yw awgrymiadau gan y cyhoedd. Gwahoddir aelodau'r cyhoedd i awgrymu eitemau i'w craffu ar unrhyw adeg trwy'r Ffurflen Awgrymu Eitem ar gyfer Craffu ar ein tudalen we: https://www.torfaen.gov.uk/cy/Forms/Others/Suggest-an-item-for-Scrutiny.aspx
Bydd aelodau'n ymgymryd â'r rownd nesaf o sesiynau rhaglennu gwaith dros bythefnos cyntaf Gorffennaf 2025.
Byddai aelodau'r pwyllgor yn croesawu eich awgrymiadau neu eich sylwadau ar yr hyn yr hoffech eu gweld yn craffu arno yn y flwyddyn i ddod.
Ychwanegwch eich awgrym drwy'r Bwrdd Syniadau ar y dudalen hon neu gallwch e-bostioscrutiny@torfaen.gov.uk
Anfonwch eich awgrymiadau erbyn dydd Mercher 18fed Mehefin 2025
